Ceisteanna Coitianta
Nuair is indéanta, comhtháthóidh DART+ an Chósta Thuaidh le rotharbhealaí, féarbhealaí agus áiseanna eile taistil ghníomhaigh atá molta i straitéisí iompair atá ann cheana féin agus i ndréachtstraitéisí iompair amach anseo. Tá Foireann Tionscadail DART+ ag obair go gníomhach leis na húdaráis urraíochta do na tionscadail seo chun a chinntiú go dtugtar aird chuí orthu.
Tá gá le raon leathan suirbhéanna mar chuid den tionscadal DART+ Chósta Thuaidh. Áirítear orthu sin, ach níl siad teoranta dóibh, Suirbhéanna Topagrafacha, Suirbhéanna Éiceolaíochta agus comhshaoil eile, Suirbhéanna Imscrúdaithe Talún.
Má tá aon cheist nó imní ort maidir leis na suirbhéanna seo déan teagmháil le do thoil leis an Oifigeach Idirchaidrimh don Phobal don Tionscadal seo Garry Keegan ag 01 233 4515 nó trí ríomhphost ag DARTCoastalNorth@irishrail.ie
Soláthróidh tionscadal DART+ an Chósta Thuaidh, mar chuid den Chlár DART+, líonra leictrithe feabhsaithe, le hacmhainn mhéadaithe paisinéirí agus seirbhís traenach feabhsaithe idir Lár Chathair Bhaile Átha Cliath agus Droichead Átha. Soláthróidh an tionscadal an bonneagar chun méadú pleanáilte ar mhinicíocht traenach a sheachadadh ó 11 go 24 traein, agus méadú pleanáilte ar acmhainn paisinéirí ó 12,500 go 26,600 paisinéir, don bhuaicthréimhse 3 huaire RN nua do sheirbhísí isteach / ó dheas ó Dhroichead Átha go Lár Chathair Bhaile Átha Cliath.
Soláthróidh DART+ an Chósta Thuaidh seirbhís traenach inbhuanaithe, leictrithe agus níos iontaofa. Tacóidh leictriú na Líne Thuaidh go Droichead Átha le tógáil Réigiún Cathrach inbhuanaithe agus nasctha agus éascóidh sé an t-aistriú go sochaí ísealcharbóin agus athléimneach ó thaobh aeráide de.
Soláthróidh tionscadal DART+ Cósta Thuaidh, mar chuid den Chlár DART+, líonra feabhsaithe leictrithe, le hacmhainn mhéadaithe paisinéirí agus seirbhís traenach feabhsaithe idir Lár Chathair Bhaile Átha Cliath agus Binn Éadair. Soláthróidh an tionscadal an bonneagar chun méadú pleanáilte ar mhinicíocht traenach a sheachadadh ó 9 go 18 traein, agus méadú pleanáilte ar acmhainn paisinéirí ó 10,800 go 21,600 paisinéir, don bhuaicthréimhse 3 huaire RN nua do sheirbhísí isteach / ó dheas ó Bhinn Éadair go Lár Chathair Bhaile Átha Cliath.
Chun na buaic-arduithe acmhainne atá molta ag an gClár DART+ a bhaint amach, déanfaidh DART+ an Chósta Thuaidh iarracht athchumrú a chur i bhfeidhm ar Stáisiún Ghabhal Bhinn Éadair & Dhomhnach Míde agus deireadh a chur le coimhlintí trasrianta traenach atá sa stáisiún faoi láthair. Cumasóidh an Rogha a Roghnófar seirbhís tointeála DART ar líne Bhrainse Bhinn Éadair de réir mar is gá, agus/nó seirbhís díreach tríd go/ó Lár Chathair Bhaile Átha Cliath, ag ligean uasmhéadú d’acmhainn agus minicíocht seirbhísí DART+ ar línte an Tuaiscirt agus Brainse Bhinn Éadair. Mar thoradh ar bhaint na gcoimhlintí trasnaithe ag Stáisiún Ghabhal Bhinn Éadair & Dhomhnach Míde beidh seirbhís DART Bhrainse Bhinn Éadair níos minice agus níos iontaofa agus d’fhéadfadh minicíocht na seirbhíse a dhúbailt chun seirbhís a sheachadadh gach deich nóiméad gach bealach. Athróidh scála an mhéadaithe ar sheirbhísí thar mhéideanna DART+ an Chósta Thuaidh agus beidh sé ag brath go díreach ar éileamh paisinéirí thar am.
Más gá Seirbhís Tointeála DART a oibriú ar Líne Bhrainse Bhinn Éadair, beidh ar phaisinéirí a thaistealaíonn go/ó Lár Chathair Bhaile Átha Cliath aistriú idir seirbhísí ag Stáisiún Ghabhal Bhinn Éadair agus Dhomhnach Míde áit ina moltar éagsúlacht d’oibreacha modhnuithe suntasacha chun eispéireas na bpaisinéirí a fheabhsú go ginearálta, agus chun an stáisiún a fhorbairt chun feidhmiú níos fearr mar stáisiún idirmhalartaithe. Is éard a bheidh i gceist leis na hoibreacha ná na bealaí isteach a mhodhnú chun stáisiún níos inrochtana, níos so-úsáidte agus dírithe ar an gcustaiméir a sholáthar do gach úsáideoir iarnróid, chomh maith le feabhas a chur ar an nasc leis na ceantair máguaird Domhnach Míde agus Cill Bharróg. Déanfar uasghráduithe freisin ar an droichead coise agus naisc leis na hardáin láir, chomh maith leis an soilsiú, an chomharthaíocht agus na bailchríocha ar fad. Éascófar an t-acomhal ag Stáisiún Ghabhal Bhinn Éadair & Dhomhnach Míde trí mhéadú ar thraenacha stada na Líne Thuaidh a íoslaghdóidh amanna feithimh le haghaidh nasc-seirbhísí.
Ag an bpointe seo tá sé ró-luath a rá go beacht cad iad na hamanna feithimh a bheadh ann, agus iad ag idirmhalartú ag Stáisiún Ghabhal Bhinn Éadair & Dhomhnach Míde, nó go deimhin cén t-am turais cruinn a bheidh ann ó stáisiúin ar Bhrainse Bhinn Éadair go Lár Chathair Bhaile Átha Cliath. Táthar ag súil go bhfanfaidh amanna taistil rannóige (m.sh. Stáisiúin Chois Bá go Binn Éadair) ar feadh Líne Bhrainse Bhinn Éadair mar a chéile leis na hamanna turais reatha a bhíonn ag paisinéirí DART, agus go mbeadh tionchar íosta ag aon choigeartú ar amanna turais ó Bhrainse Bhinn Éadair go lár na cathrach mar thoradh ar an idirmhalartú idir seirbhísí ag Stáisiún Ghabhal Bhinn Éadair & Dhomhnach Míde. Déanfar athruithe ar amanna turais a fhritháireamh beagán ag minicíocht mhéadaithe seirbhíse as a dtiocfaidh níos mó rogha do phaisinéirí agus amanna feithimh laghdaithe chun tús a chur le turais DART ar an gcéad dul síos.
Tá sé tábhachtach a thabhairt faoi deara freisin nach rud é oibriú na seirbhíse tointeála DART a thiocfadh i bhfeidhm láithreach ar sheachadadh an tionscadail DART+ an Chósta Thuaidh. Beidh céimeanna éagsúla d’fhorbairt amchláir ann a thabharfar isteach de réir a chéile agus an tionscadal ag tógáil i dtreo uasleibhéil seirbhíse. Níl aon obair déanta ar na sonraí oibríochta taobh thiar de gach ceann de na céimeanna seo ag an gcéim luath seo i bpleanáil agus i bhforbairt an tionscadail. Rachaidh aon athrú suntasach ar an amchlár trí phróiseas Comhairliúcháin Phoiblí dá chuid féin arna eagrú ag an Údarás Náisiúnta Iompair (NTA) ar a dtugtar an Próiseas Comhairliúcháin Amchláir le Custaiméirí.
Tá DART+ an Chósta Thuaidh ag iarraidh an líonra iarnróid leictrithe atá ann cheana féin a leathnú ó Mhullach Íde go Droichead Átha chomh maith le hacmhainn iarnróid a mhéadú ar an Líne Thuaidh idir Lár Chathair Bhaile Átha Cliath agus Stáisiún Dhroichead Átha Mhic Ghiolla Bhríde, lena n-áirítear Brainse Bhinn Éadair. Is féidir an acmhainn mhéadaithe iarnróid seo a bhaint amach trí líonra iarnróid leictrithe leathnaithe a chur i bhfeidhm le traenacha DART ard-acmhainne agus minicíocht mhéadaithe seirbhísí traenach. Ina theannta sin, éilíonn an tionscadal DART+ an Chósta Thuaidh go gcuirfí roinnt modhnuithe rian i bhfeidhm, lena n-áirítear soláthar saoráidí tiontaithe ag Stáisiúin Mhullach Íde, Chluain Ghrífín agus Ghabhal Bhinn Éadair & Dhomhnach Míde. Tá na modhnuithe seo riachtanach chun méadú ar sheirbhísí traenach a éascú trí ligean do thraenacha a bheith iompaithe siar ó sheirbhísí leanúnacha agus chun seirbhís níos minice agus níos iontaofa a cheadú.
Éascóidh na hathruithe atá beartaithe ar Bhrainse Bhinn Éadair méadú ar mhinicíocht agus ar acmhainn seirbhíse an DART, mar aon le feabhsuithe ar iontaofacht an amchláir agus oibriú na seirbhíse. Leis na buntáistí oibríochta a bhaineann leis na huasghráduithe bonneagair, beifear in ann solúbthacht oibríochta níos fearr a bhaint amach agus seirbhísí a bharrfheabhsú ar Bhrainse Bhinn Éadair.
Baineadh úsáid as na hamanna oscailte agus dúnta bacainní crosaire comhréidh atá ann faoi láthair chun bonn eolais a chur faoi mhúnla tráchta a dhéanann measúnú ar na héifeachtaí ar fheithiclí, rothaithe agus coisithe. Baineadh de thátal as measúnú mionsonraithe ar na ceithre chrosaire comhréidh atá ann cheana feadh Líne Bhrainse Bhinn Éadair gur féidir leis na crosairí comhréidhe seo leanúint ar aghaidh ag oibriú agus leibhéal cuí trasnascachta agus inrochtaineachta a sholáthar agus an riachtanas méadaithe minicíochta seirbhíse DART á chomhlíonadh ag an am céanna. Mar thoradh ar mhinicíocht mhéadaithe dúnadh crosairí comhréidhe beidh seans níos mó ann go mbeidh ar fheithiclí, coisithe agus rothaithe scuaine ag na crosairí, áfach, léirigh an samhaltú tráchta agus an anailís íogaireachta gur dócha go bhfanfaidh fad na scuaine laistigh den spás bóthair scuaine atá ar fáil i ngach cás. Bunaithe ar na measúnuithe a rinneadh go dtí seo, ní mheastar go bhfuil gá le hidirghabhálacha bonneagair bhreise ag na ceithre chrosaire comhréidh.
Rinneadh measúnú ar an tionchar ar an trácht timpeall ar chrosairí comhréidhe Bhrainse Bhinn Éadair ag baint úsáide as bogearraí samhaltaithe LinSig. Is uirlis bhogearraí chaighdeánach tionscail é LinSig a ligeann d’innealtóirí tráchta comharthaí tráchta agus a n-éifeacht ar acmhainn tráchta agus scuaine a shamhaltú. Baineadh úsáid as seo chun imscrúdú a dhéanamh ar an tionchar a bheadh ag dúnadh bacainní ar an líonra bóithre mórthimpeall agus tá sonraí breise san áireamh in Iarscríbhinn 3.7 Aguisín B den ábhar foilsithe atá ar fáil ar shuíomh gréasáin an tionscadail https://www.dartplus.ie/ga-ie /tionscadail/dart-thuaidh.
Bhí na sonraí tráchta a úsáideadh sna measúnuithe ar chrosairí comhréidhe bunaithe ar shuirbhéanna a rinneadh i mBealtaine 2022. Áiríodh orthu seo suirbhéanna ar chomhaireamh casadh acomhail feithiclí aicmithe thar thréimhse ama 14 uair idir 0600 agus 2000 ag na hacomhail laistigh den limistéar staidéir agus freisin ag na crosairí comhréidhe laistigh den limistéar staidéir. Áiríodh sna sonraí freisin suirbhéanna ar fhad scuaine agus suirbhéanna ar chomhaireamh coisithe. Socraíodh go dtarlaíonn buaicuaireanta RN idir 0800 agus 0900 agus buaicuaireanta IN idir 1730 agus 1830 (féach Iarscríbhinn A). Is iad seo na tréimhsí is gnóthaí ar an líonra bóithre agus mar sin rinneadh measúnú ar thionchar na gcrosairí comhréidhe atá beartaithe do na tréimhsí ama seo. Bhí sonraí tráchta stairiúla (2018/2019) ar fáil ag cuid de na hacomhail in aice le crosairí comhréidhe Chill Bharróg agus Chill Fhionntain agus léirigh comparáid idir na sonraí tráchta is déanaí (2022) agus na sonraí tráchta stairiúla (2018/2019) go bhfuil na leibhéil tráchta a breathnaíodh sna suirbhéanna le déanaí, go mór mór, tar éis filleadh ar na leibhéil réamh-Covid sa limistéar staidéir. Mar sin measadh go raibh na sonraí comhairimh tráchta 2022 is déanaí mar fhoinse sonraí oiriúnach don mheasúnú.
Déanfar measúnú iomlán ar éifeachtaí aon athruithe ar phatrúin tráchta mar chuid den Tuarascáil ar Mheasúnú Tionchair Timpeallachta (EIAR) agus den Mheasúnú Tionchair Tráchta (TIA) agus ba cheart a thabhairt faoi deara freisin go n-áireofar san EIAR a ghabhann leis an iarratas ar Ordú Iarnróid measúnú cuimsitheach ar tionchair féideartha ar cháilíocht an aeir agus aeráide mar thoradh ar an bhforbairt atá beartaithe ar DART+ an Chósta Thuaidh.