Réamhrá DART+ Thiar

Chuir tionscadal DART+ Thiar iarratas ar Ordú Iarnróid chuig an mBord Pleanála an 29 Iúil 2022 agus tá an Comhairliúchán Reachtúil seo dúnta anois, amhail an 28 Deireadh Fómhair 2022.

Tá an t-iarratas seo ar Ordú Iarnróid DART+ Thiar bunaithe ar dhearadh a chuireann san áireamh na breithmheasanna ar na roghanna agus breithniú ar an aiseolas a fuarthas ó chomhairliúcháin phoiblí neamhreachtúla a rinneadh idir Lúnasa 2020 agus Aibreán 2022. Tá breithniú ar aiseolas a fuarthas ó chomhairliúchán poiblí uimh. 1 le fáil i dTuarascáil Thorthaí PC1. Tá breithniú ar aiseolas a fuarthas ó chomhairliúchán poiblí uimh. 2 (lena n-áirítear an comhairliúchán áitiúil i mBaile an Ásaigh) le fáil i dTuarascáil Thorthaí PC2. Tá an dá cheann san áireamh in Imleabhar 4 den EIAR a cuireadh isteach mar chuid den iarratas ar Ordú Iarnróid.

Bainfear an méid seo amach leis an tionscadal:

• Méadófar an acmhainn ó 6 dtraein san uair sa treo faoi láthair go dtí 12 thraein san uair sa treo ag brath ar éileamh. Méadófar acmhainn paisinéirí ó 5,000 in 2019 go dtí 13,200 paisinéir
• Astaíochtaí carbóin a laghdú trí thraenacha leictreacha nua a úsáid.
• Tacófar le pobail, gnóthais agus forbairt sa todhchaí trí sheirbhís iompair phoiblí chomhtháite ar ardchaighdeán a sholáthar de réir bheartas an Rialtais lena n-áirítear an Creat Náisiúnta Pleanála agus an Plean Gníomhaithe ar son na hAeráide.

Úsáidfear d’eolas áitiúil don dearadh, cuideoidh sé linn an tionscadal a fheabhsú agus cinnteoidh sé go dea-rud a bheidh sa tionscadal duit féin agus do na pobail a bhfreastalóidh an tionscadal orthu.

Le seachadadh an DART+ an Iarthair seo, tabharfar tacaíocht do phobail atá ann cheana agus tabharfar tacaíocht d’fhorbairt inbhuanaithe sa todhchaí. Freastalóidh sé ar na stáisiúin go léir atá ann cheana feadh an chonair iarnróid idir Stáisiún Mhaigh Nuad agus Stáisiún Bhealach na Páirce M3 go Stáisiún Uí Chonghaile agus chuig Stáisiún Dhuga Spencer atá beartaithe ag baint úsáide as cumhacht leictreach a bhfuil lorg carbóin níos ísle aige ná na traenacha díosail reatha atá á n-úsáid faoi láthair. Soláthróidh minicíocht agus cáilíocht na seirbhíse rogha eile inmharthana iompair do phobail máguaird seachas taisteal príobháideach i ngluaisteáin. Cuideoidh sé seo le hÉirinn plódú bóthair agus astaíochtaí gás ceaptha teasa ó iompar a laghdú, agus ar an gcaoi sin cuideoidh sé le dul i ngleic leis an athrú aeráide.

Leanfaidh leictriú an líne iarnróid pasáiste iarnróid reatha don chuid is mó. Beidh idirghabhálacha lasmuigh Iarnróid Éireann ag teastáil ag go leor ceantair i gcomhair cuid d’eilimintí na scéime amhail:

• Athsholáthar crosaire comhréidh;
• Iosta beartaithe lena n-áirítear athailíniú iarnróid agus bóithre.
• Stáisiún nua beartaithe do Dhuga Spencer
• Atógáil agus/nó feabhsúcháin droichead;
• Tógáil d’fhostáisiúin (chun soláthar cumhachta don líne a éascú), agus;
• Úsáid talún le haghaidh comhdhúile tógála / stórála sealadacha agus gach obair choimhdeach atá riachtanach don tionscadal.