Ceisteanna Coitianta

Beidh.  Soláthróidh an DART+Iardheiscirt  acmhainn do suas le 11 seirbhís bhreise in aghaidh na huaire agus in aghaidh na treorach - críochnóidh ceithre cinn an tseirbhís ag Heuston agus leanfaidh seachtar Líne Bhrainse Thollán Pháirc an Fhionnuisce i dtreo cheantar na nDugaí.

Bainfidh paisinéirí a thaistealaíonn go rialta ar sheirbhís traenach Phríomhlíne Chorcaí leas as seirbhís níos minice agus níos iontaofa nuair a bheidh an tionscadal críochnaithe. Faoi láthair tá uasmhéid de 12 traein in aghaidh na huaire i ngach treo. Tar éis DART+ Thiar Theas a bheith críochnaithe, méadóidh seirbhísí faoi réir éilimh go 23 traein in aghaidh na huaire in aghaidh na treorach (i.e. na 12 sheirbhís atá ann cheana féin a choinneáil, agus soláthróidh DART+ Thiar Theas 11 seirbhís traenach breise).
                                                                                                                                           
Chomh maith leis sin, beidh an cineál traenach a mbeidh tú ag taisteal uirthi difriúil. Traein leictreacha nó ceallraí-leictreacha den chineál DART a bheidh iontu. Tá na traenacha seo níos neamhdhíobhálaí don chomhshaol ná na traenacha faoi thiomáint díosail atá ann faoi láthair, rud a chuideoidh le hastaíochtaí gás ceaptha teasa ón earnáil iompair a laghdú agus a thacaíonn le Plean Gníomhaithe ar son na hAeráide an Rialtais.

Méadófar acmhainn iompair na bpaisinéirí ó thart ar 5,000 go dtí thart ar 20,000 paisinéir in aghaidh na huaire in aghaidh na treorach trí thraenacha DART a úsáid chomh fada le Collchoill & Cill Droichid. Nascfaidh an tionscadal iompar poiblí ar ardchaighdeán le bainistíocht inbhuanaithe úsáide talún agus is féidir leis cabhrú freisin le hathghiniúint áitiúil, forbairt eacnamaíoch agus tacú le forbairt pobail nua feadh an bhealaigh. Is príomhchuspóir é seo de Thionscadal Éireann 2040 agus den Chreat Pleanála Náisiúnta. Laghdóidh comhtháthú an iompair phoiblí le pleanáil inbhuanaithe úsáide talún an spleáchas ar úsáid gluaisteán príobháideacha agus ar deireadh tacóidh sé le laghduithe ar astaíochtaí gás ceaptha teasa ón earnáil iompair. 

Comhtháthóidh DART+ Iardheiscirt le modhanna iompair poiblí eile (tionscadail eile DART+, Bus, Luas agus MetroLink molta) chomh maith le bonneagar siúil agus rothaíochta. Beidh tionchar dearfach aige seo ar phatrúin iompair agus ar roghanna stíl mhaireachtála. Soláthar roghanna tacaíochta líonra iompair inbhuanaithe do na háiteanna ina gcónaíonn daoine, ina n-oibríonn siad, ina ndéanann siad staidéar, ina mbíonn rochtain ar sheirbhísí agus ina n-úsáideann siad áiseanna poiblí. Is féidir leis modhanna taistil níos gníomhaí agus níos folláine a chur chun cinn trí thacú le daoine siúl nó rothaíocht chuig naisc iompair phoiblí lena n-aistriú ar aghaidh chuig a gceann scríbe.

Beidh moltaí athsholáthair Dhroichead Bhóthar na Coille Móire do DART+ Iardheiscirt ag teacht le soláthar Luas trasna Dhroichead Bhóthar na Coille Móire sa todhchaí maidir le freastal ar an lódáil riachtanach agus solúbthacht a sholáthar chun an droichead a leathnú go cliathánach sa todhchaí.

In ainneoin an tionchair atá ag Covid-19 ar iompar poiblí agus ar líon na bpaisinéirí ina iomláine, tá Iarnród Éireann agus an tÚdarás Náisiúnta Iompair fós tiomanta go daingean do Thionscadal DART+ Thiar Theas agus tacú le cur i bhfeidhm Thionscadal Éireann 2040 agus an Chreata Pleanála Náisiúnta. Tá gá le DART+ Iardheiscirt inbhuanaitheacht fhadtéarmach an iompair phoiblí tar éis saol Covid i Mórcheantar Bhaile Átha Cliath a chinntiú agus cinnteoidh sé go mbainfidh Éire amach a cuid spriocanna uaillmhianacha fadtéarmacha náisiúnta um athrú aeráide agus san iompar amach anseo.

D’fhoilsigh an tÚdarás Náisiúnta Iompair an dréacht-Straitéis Iompair do Mhórcheantar Bhaile Átha Cliath 2022-2042 i mí na Samhna 2021. Aithnítear sa dréacht-Straitéis go bhfuil sé léirithe ag an éileamh atá tuartha ar thaisteal, nuair a dhéantar é a mheas in éineacht leis an ngá atá le hastuithe iompair a laghdú, go mbeidh riachtanas ann, thar shaolré na Straitéise Iompair, seirbhísí DART a leathnú tuilleadh chuig príomhshuíomhanna sa GDA. Cuirfidh síneadh ar an tseirbhís DART ar Líne Chill Dara go dtí an Nás / Na Solláin acmhainn bhreise ar fáil don cheantar seo, lena n-áirítear suíomh réigiúnach Páirceála & Taistil sa chomharsanacht seo. 

Cuimsíonn an t-iarnród feadh na coda seo dhá phríomhrian líne a bhfuil dhá thaobhlach ceangailte leo a úsáidtear chun rochtain a fháil ar an iosta agus chun traenacha a stóráil. Teastaíonn dhá rian DART oibriúcháin bhreise ón Tionscadal chomh maith leis na rianta atá ann cheana féin chun an t-ardú acmhainne atá ag teastáil a éascú.